Gion Antoni Aluis Hendry, il Luis Calgè – Historia dalla schlatta e famiglia Hendry

Beschreibung

Tarcisi Hendry

Gion Antoni Aluis Hendry, il Luis Calgè – Historia dalla schlatta e famiglia Hendry

Sursilvan, Deutsch

2020, Bestellnummer 20201125

El center stat miu tat Gion Antoni Aluis Hendry. “El ei staus in crap da cantun ed ils vischins han fatg adatg da ses plaids. Il Luis ei pil pli staus in um da buna luna ed adina pinaus per narradads. Cun la buobanaglia che han purtau ils calzers en luvratori sisum Gonda ha el saviu far sproposits. Mo per spass saveva el sevilar e far da vilau cun ils mattatschs e las mattatschas. Schizun in sblatsch deva el buca nuidis. E lu, han ils affons giu da dar ad el in da 20 raps per cumprar zuchercandel per metter ellas solas, per ch’ils calzers tgulien e schulien buc”. Quei ha siu nevs Vic Hendry scret.

El ha piars duas dunnas en giuvens onns e dumignau l’educaziun dad otg affons.El ha buca derschiu val e vitg, ei buca staus davontier, mo tuttina eis el staus enconuschents ell’entira val e laschau fastitgs. El ei staus in puranchel e fatg il calger. El ha dumignau la veta era cun far mintgadi il cupid da miezdi. Il possess da duas casas muossa curascha. El ei vegnius denunziaus e stuiu passar la via dalla inquisiziun. Cun strusch 64 onns miera el il di da s.Brida. Sia decendenza dumbra rodund 250 vegnentssuenter.

Translaziun: Marcus Munsch, Sedrun