Litteratura 41 / La poesia

Beschreibung

Suenter l’ediziun giubilara sa legra l’Uniun per la Litteratura Rumantscha (ULR) da pudair preschentar la «Litteratura 41» da quest onn, deditgada a la poesia. Sper diversa nova lirica ed intgins texts teoretics davart la poesia As spetgan er in dossier detaglià deditgà ad Andri Peer, in referat en onur da Vic Hendry u las contribuziuns sut il titel „la litteratura ed jau“, preschentadas a chaschun dals 30avels Dis da Litteratura. Ina giada dapli sa preschentan qua pia contribuziuns da diversas auturas e divers auturs rumantschs da tut las vegliadetgnas, tranter auter dad Arnold Spescha, Gianna Olinda Cadonau, Janic Maskos, Dumenic Andry u Maria Cadruvi – per be numnar intgins nums. Il tom vegn enramà dad illustraziuns da la graficra Annatina Nay, las qualas suttastritgan la diversitad poetica.