Traunter di e not

Beschreibung

Clementina Gilly (1858 – 1942) è stada bain enconuschenta da ses temp suror ils cunfins da la Rumantschia e dal Grischun sco ina da las unicas poetessas rumantschas ed ha publitgà sco emprima dunna rumantscha in agen cudesch. Questa ediziun commentada dat ina invista en l’ovra e la vita da questa dunna engaschada per il moviment rumantsch e per il moviment da dunnas en Engiadina. Cun bleras fotografias da l’album da famiglia e documents dal temp. In’ediziun tgirada da Rico Valär, en collavuraziun cun Annetta Ganzoni ed Edith Prescott.